وسى ورايدا حالىق پەن نارىق اراسىنداعى بايلانىس كۇن سايىن بەكي تۇسۋدە. نەگىزىنەن تۇتىنۋشىلارعا باعاسى قولجەتىمدى ءارى ساپالى ونىمدەر قاجەت. بۇگىنگى تاڭدا تۇرعىنداردىڭ مۇنداي سۇرانىسىنا وزگەنىڭ ونىمىنەن گورى, ءوزىمىزدىڭ وتاندىق ونىمدەرىمىز جاۋاپ بەرە الادى. ەندىگى جەردە وتاندىق ونىمدەردىڭ ءباسى ارتىپ, باسەكەگە قابىلەتتىلىگى ارتا تۇسپەك.
مەركى اۋدانىنداعى «ماحابات الەمى» امبەبەپ ساۋدا ورتالىعى كوپشىلىككە ايان. جۋىردا اتالعان ساۋدا ورتالىعىندا ء«دامدى سەبەت» الەۋمەتتىك دۇكەنى اشىلدى. دۇكەننىڭ اۋماعى مىڭ شارشى مەتردى قۇرايدى. سونداي-اق مۇندا كەلۋشىلەرگە وتىز ادام قىزمەت كورسەتەدى. سونىمەن قاتار, دۇكەندە جىل بويى تاۋارلاردىڭ بەلگىلى ءبىر تۇرىنە اكتسيالار دا وتكىزىلىپ تۇرادى. ءتىپتى سۋپەراقتسيالار كەزىندە زاتتاردىڭ باعالارى 40-50 پايىزعا دەيىن ارزاندايدى ەكەن. بۇل دا نارىقتىڭ حالىققا دەگەن قامقورلىعى بولسا كەرەك.
اتالعان دۇكەننىڭ ءبىر ەرەكشەلىگى – مۇندا ازىق-ت ۇلىكتىڭ باسىم بولىگى وتاندىق ونىمدەردەن تۇرادى. ماسەلەن «قازاقستاندا جاسالعان», «قازاقستان», «بايان سۇلۋ», «گۇلدەر» كونفەتتەرى ءوز ونىمدەرىمىز بولىپ سانالادى. ال «اسقان», «ولەينا», «زارەچنايا» سياقتى وسىمدىك مايلارى دا وتاندىق ءونىم رەتىندە حالىققا قولجەتىمدى باعادا ساۋدالانىپ وتىر.
بۇل ورتالىقتىڭ اشىلۋى مەركىلىكتەر ءۇشىن ايتارلىقتاي جاڭالىق بولدى. راسىندا دا حالىق كەرەگىن الۋ ءۇشىن بۇرىنعىداي وبلىس ورتالىعىنا سابىلماي, وسى جەردەن-اق ساۋدا جاساي بەرەدى. سونداي-اق مۇنداعى زاتتاردىڭ ءبارى دە قولجەتىمدى ءارى ساپالى. ەندى وتاندىق ونىمدەرىمىزدىڭ يگىلىگىن اۋدان, اۋىل حالقى دا كورەتىن بولادى.
حاميت ەسامان,
«ەگەمەن قازاقستان»
جامبىل وبلىسى
